La Fiesta del Kodrero (Korban)

Ya se ke no resivitej el Şalom la semana pasada. Komo lo aviya dicho en el otro “bayram” (fiesta) el Şalom na aparese dos vezes al anyo: en las dos fiestas musulmanas: la fiesta del Ramadan ke diziyamos La Fiesta de los Bonbones (Şeker Bayramı – ke no sinyifikava l’asukuar) i la Fiesta del Kodrero (en turko es Kurban Bayramı – ya puedemos dizir La Fiesta del Korban).

Es los fransezes ke lo yaman La Fiesta del Kodrero? No se si en Fransya se dize de esta manera; porke en Estanbol tenemos el fransez djudaizado ande tenemos un alay de biervos trasbokados ke no entienden los Fransezes. Vos va dar un egzempyo: En Estanbol empleamos Madame Sara, Madame Roza o otras madames … Vente i sinko anyos antes avia un konsyerto en Strasbourg ande los Pasharos Sefaradis tomavan la shena. Estava en Almanya i fin de semana no tenia un echo i me fui al konsyerto. Avia una famiya de Estanbol ke morava en Strasbourg i la mujer de la famiya mos estava ayudando a vijitar la sivdad. En un grande magazen la yami Madame Liza (no es el nombre djusto) i se izo kolorada; no entendi; yo la estava yamando Madame Liza i eya esta pasando negros momentos. Es dospues ke me ambezi – ijo de una Franseza ke no konose bastante la lingua - ke devia de yamarla  Madame Kohen – kon el nombre de famiya - si no Madame Liza se dize a las patronas de las kazas de mujeres (randevuevi). Ma malorozamente en Estanbol los djudios avlan de esta manera i son siguros ke lo ke avlan es djusto.

  En muestro payis tenemos munchos problemes oy en diya. En mi chikes era mas kolay porke se kortava solo kodreros. I kon mi ermana mos alevantavamos al amaneser para ver komo kortavan los kasapes los kodreros. Oy en diya los psikologos i las/los edukatrisas no konsejan a los paryentes ke las kriyaturas veygan este akto. Tienen razon… Vente anyos antes una Fiesta de Korban estavamos kon mi mujer en Tunisia. I reelmente en las kayes no vimos nada; ni una gayna kortada! Kortavan los korbanes en los kortijos de las kazas i no en las kayes. I puedeser komo no se kortavan munchas bestias no mos desrepozo (rahatsızlık vermek).

   Anyos dospues la djente se izo mas rikos; i empesaron a kortar vakas, bufalos i mizmo vakas chikas (dana). Mizmo si no tyenen bastante paras lo kortan sinko – sesh famiyas endjuntos. I dospues partajan la karne.

  Kuando troko de kodrero a vakas, el echo es mas difisil i un kasap no puede kortar solo esta haya (hayvan). I empesan a azer la gerra entre la bestya i el kasap. De vez en kuando emplean kuchiyos ke no son aguzados (keskin), o no son profesyoneles. Solo la primera noche de la fiesta en las enformasyones estavan dando haber ke serka de kuatro mil personas fueron al hospital – partida urjente - (acil) dospues de lo ke afito kortando o ayudando el kasap ke estava kortando la bestia. Feridos (yaralı) de la mano, del braso, de la pacha o de munchas partes del puerpo. I si vos vash serka de la mar vash a ver ke la mar esta kolorada porke en kortando las bestiyas la sangre korye a la mar. No avre muncho la gana…

  Vos esto kontando esto todo para dizir ke este Bayram estava en Estanbol, en la Ada – Prinkipo - i reelmente tuvimos el plazer de estar en la Ada, i komo se dize gozimos (tadını çıkarmak) de la Ada. Kada diya en un otro lugar tuvimos el plazer de estar endjuntos kon muestros amigos. Los dos - tres primeros diyas avia muy poka djente ke vinieron a la Ada. Los Estanbollis i los turistos Arabos empesaron a vinir el segundo diya del Bayram (esto empleando Bayram ke sinyifika Fiesta). De la otra vanda los ke estavan en Estanbol, en la sivdad, estavan orozos kon el trafik de una sivdad de diziocho milyones. Porke kreo mas de los sesenta por syen de los Estanbollis no estavan en la sivdad. Una grande partida en las islas i sivdades Gregas, los ke kerian pasar unas vakansas mas modestas se fueron a la Bulgaria i a la Romania ande ay muevos oteles muy baratos. I por los ke keren kumarear es un lugar de preferansiya. De la otra parte munchas personas estavan en Çeşme i Bodrum ke oy en diya son los dos lugares los mas atraktivos para los mansevos i para los ke keren eglenearsen. A parte de esto en Turkiya ay syenes de lugares ande se puede entrar a la mar. No kale olvidar ke solo diya de shabat mas de 1.400 (mil i kuatrosyentos) aviones abasharon o se alevantaron del Aeroporto Atatürk. Es mas de tresyentas mil almas en un diya ke se fueron o ke vinieron. En Estanbol oy en diya tenemos dos aeroportos i estan fraguando el mas grande de la Evropa ke va ser un porto muy emportante de transito para el mundo entero. Oy en diya ay entre Estanbol i Tel Aviv ay mas de dyes bolos al diya. Todos los aviyones son yenos i de vez en kuando si vinish kon un volo muy temprano (erken) vash a ver ke ay manko de dyes personas ke abashan en muestra sivdad. Todos los otros son pasajeros de transit ke se van a otras sivdades de la Evropa o de las Amerikas. Este modo el mez pasado muestro aeroporto resivio mas muncho pasajeros ke Frankfourt ke reelmente es uno de los mas grandes aeroportos del mundo.

  Kuando vash a resivir el Şalom todos van a estar en sus echos. Mismo las kriyaturas van a empesar 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın