Tazria – Metsora

La perasha nombrada Tazria trata de syertas yagas ke puede afitar en las personas i ansi enpisa el kapitolo.

I avlo el Kriyador a Moshe i a Aaron dizyendo: Kuando un ombre tuvyere en el kuero de su karne komo yaga de lepra, sea traido a Aaron el Koen o a uno de sus ijos los Koanim.

Dunke de este verseto de la Tora, se entyende ke el Koen se devia okuparse kon semejantes yagas. El Kriyador envelunta syempre la sanedad de la persona komo esta dicho: Tu enveluntas el arepintimyento de los malos i non sus muertes. Va dizeles a eyas, i non sus muertes. Va dizeles a eyos, dicho de el Kriyador, yo envelunto ke nos enteremetamos en la ley, i ke afirmemos las enkomendansas komo esta eskrito.

El Kriyador envelunto por su djustedad, se engrandesera la Ley i se enfortesera. Kuando kriyo el Todo Poderozo el mundo ansi es dicho: I yamo el Kriyador a la luz diya, i la eskuridad noche. El nombre de el Kriyador esta en la luz i no en la eskuridad. La luz es vida, alegriya i abondansa no komo la eskuridad.

Por tirar la atansyon de el ombre, ke no esta korekto, por un siyno el mandava en el kuerpo una yaga nombrada lepra. Emprimero viya manchas en las paredes de su kaza. Si se konsintiya i tornava a el kamino derecho, era perdonado ainda si no pudo entender sus defektos, viya estas manchas en sus vistidos puede ser.

Tornava en teshuva i el Kriyador lo perdonava ultimamente es ke lo viya en su kuerpo. El midrash dize: El Kriyador es piadozo, patron de los piadades malgrado nuestros defektos el nos perdona sovre muestra buena veluntad de teshuva arepintimyento.

El Kriyador envelunta ke bivamos vidas de santedad, de limpyeza. Sovre todo de ser akavidados de todo lo ke va salir de muestra boka de no pensar i avlar mal por ningunos. Ke puede sontrear munchos males. Komo meldamos en los perakim ke disho un savyo Shimon Beno: ‘No topi para mi salud, mas ke estar kayado, la matsati lagush tov, e la mishetika.   

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın