PESAH

PESAH

Pesah es la fyesta de la libertad, de la independensya. Mos aze akodrar la salidura del esklavaje (esaret) de Misrayim.

Muestros padres se apatronaron (sahip çıkmak) de sus identidades (kimlik) en luchando (mücadele etmek).

Pesah es el nasimyento de la nasyon djudiya. El mez de nisan es el primer mez del kalendaryo djudyo ke da la novela de la primavera.

Todas las famiyas se arekojen en el doredor de la meza de seder i se akodran de esta lejenda (öykü) de sus ansetros i transferan (aktarmak) la istorya de djenerasyon en djenerasyon (nesil).

Esta fyesta tyene dos nombres diferentes: ‘Pesah’ i ‘Hag ha Matzot.’

Pesah mos aze akodrar la proteksyon santa (kutsal korunma) mirakoloza (mucizevi) ke en la katastrofa Dyo detuvo a los ijos de Israel leshos de las belas.

‘Hag ha Matzot’ mos akodra ke en esta semana sakra vamos a komer solo matsa ke se aze de la arina sin levadura (maya).

Las dos primeras noches se beve el vino korolado porke el vino es el simbolo de la felisidad i korolado es el simbolo de la sangre. La sangre es el simbolo en mizmo tyempo de la sangre de la salvasyon. En el Seder se deve de bever kuatro kupas de vino.

Asigun una enterpretasyon, kuando los ijos de Israel estavan en el egzilio,  los djudyos mostraron una atitud (davranış) muy vertuosa (erdemli). La primera, ke no trokaron los nombres i las vistimyentas djudias, kontinuaron a avlar sus linguas maternal ke era el ebreo, konservaron sus onestedades (dürüstlük) i sus moralidades (ahlak), kedaron fideles (sadık kalmak)  los unos kon los otros i guadraron sus sekretos entre eyos.

Las fyestas son las okazyones de aunar a todos en el entorno de una meza. Madres, padres, iijos, ijas, nonos, nonas, inyetos, inyetas, tiyos, tiyas, kosfuegros.

Todo el umanizmo se apanyo a los pasos lokos (çılgın adım) de la vida moderna.

Todos estamos koryendo para un buto, i siguramente las oras i los diyas no mos estan abastando. Mos estamos olvidando de vez en kuando ken somos, i no mos estamos puedyendo apartar (ayırmak) un punto libero.

En bivyendo en esta manera tenemos mas muncho stres, mas muncha inkyetud (endişe) en todo modo de punto de vista.

No kale ser tantos asigidos!...

Los mansevos keren tanto alkansar a sus butos, ke se estan olvidando de las famiyas, de sus keridos.

Para eyos lo ke es emportante son los amigos.

La famiya es la baza de la komunitad, de la sosyedad (toplum).

La famiya determina (belirlemek) el avenir de la sosyetad kon los faktos, de la kerensya, del respekto, de la tolerensya, de la solidaridad, de la unyon, de la ermandad, de la amistad (dostluk), del amigable...

Estos faktos son emportantes por la umanitad, i se forman (oluşmak) en la famiya.

La famiya tyene un rolo emportante en la formasyon de la personalidad (kişilik yapısı).

Las reunyones de famiya kontyenen (kapsar) todos los myembros (üye) de la famiya para pueder avlar, sintir al den frente, para azer planos, para pueder eksprimir los sentimyentos, las keshas (şikayet), las preokupasyones (kaygı), para pueder rezolver (çözümlemek) los pletos (çatışma), i para pueder planifikar (planlamak) los divertimyentos (eğlence) de la famiya.

Seder es la regula de la meza (sofra düzeni) ke se apareja en las kazas djudiyas por la noche de fyesta kon muncho hen (özen).

En la meza se topa los livros de la Agada, vazos de vino para todos i un plato espesyal de Seder.

Se mete enriva de un tifsin un guevo enhaminado, tres matsas enteras, un pedaso de kodrero kemado, haroset, karpas i maror. Esto todo tyene una sinyifikasyon aparte.

Mizmo ke es una fyesta muy kanseryoza para la balabaya porke eya empesa a aparejarse de una semana antes, para pueder eskapar a tyempo, es una felisidad (mutluluk) grande de arekojer 15-20 personas de la famiya akeya noche.

Kuando se termina de komer kada uno i uno avla una koza diferente; se avla, se riye, se kanta i se pasa momentos spesyales todos endjuntos.

Lo ke arogamos es de ser syempre aunados, i pujados i non aminguados.

Hag Sameah

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın