Un poko de sanedad

Un poko de sanedad

Los provechos (yarar) mirakulozos del limon i la kashkara del limon.

• El sistema de muestra imunidad (bağışıklık sistemi) tyene una misyon; protejarmos kontra los viruses i las hazinuras. La insufizensya de la alimentasyon, el desvelo (uykusuzluk), kansarse muncho, bever alkol, fumar sigaros, utilizar esto todo mos aze kaer muestra imunidad, i por este kavzo mos hazineyamos akoruto (sık sık).

Para tener una imunidad fuerte; el limon es muy influente (etkili).

• El limon mos proteja kontra las hazinuras del korason i venas (damar) i es una prekosyon kontra la hazinura maldicha, el kanser.

• Kalma los inyervos.

• Un materyal ke se topa en la kashkara del limon es amigo del kuero (cilt), i es una prekosyon kontra los tumores.

• Esprimir (sıkmak) el limon al chay ke bevemos u a una agua kayente; kortar la kashka aryento aseguran a tomar fuertamente los vitamines.

• Amingua el kolesterol.

• Unas manchas en las unyas se desparesen kuando se frega un poko de limon.

• La kashkara es provechosa al ligado (karaciğer).

• Los ke azen muncho spor, si beven agua kon limon, pueden kompensar (telafi etmek) los minerales ke peryeron kon la sudor (ter).

• Bever limonata kon miel da una enerjiya abondante.

Kafein es un materyal kimiko (kimyasal) ke se topa en munchas plantas, frutas, semyentes (tohum) i raizes (kök). Da un plazer grande.

El orijen del kafein es el kafe, koka kola, chay i la chokola. El kafein ke se toma kon los alimentos i las bevyendas, se meskla kon la sangre i fina sinko oras el puerpo lo echa afuera.

Kafein es un kimiko ke la persona se auza de negra manera. Kuando la persona ke es auzada, no toma la doza del kafein menesteroza, tenemos dolor de kavesa, kanserya, inyervos, inkyetudes (huzursuzluk), se forma munchas problemas. Estos sinyos devyenen normal, kuando se toma el kafein menesterozo.

Las dulsuryas son danyozas para el puerpo.

El diabet es una hazinura ke no mata ma aze pujar las hazinuras del korason i el kanser.

Amingua el krom del puerpo.

Komer muncha dulsurya envyejese la persona

El dulse engodra i aze pujar el stres.

Kualo es el lugar de la asukar en muestra vida:

Kualos son los provechos (yararları) i los danyos (zarar)?

Los provechos de la asukar?

La asukar arremedya la persona de punto de vista sentimental (duygusal), amijorea la vida sentimental de la persona i ayuda a ke pense de una manera pozitiva.

La persona ke tyene enemistad (kin) si kome un poko de asukar se ve ke este sentimyento de aborresimyento (kin) se esta aminguando.

Los danyos de la asukar:

• Los dyentes se pudren (çürümek).

• Las hazinuras de estomago komo ülser, gota, romatizmos, el derritimyento de los guesos (kemik erimesi), korason, diyabet i munchas otras hazinuras son la kavza de komer asukar.

• Kon la sirkülasyon de la sangre, la asukar se transporta (taşınır) a todo modo de lugar en el puerpo i spesyalamente se arekoje en el ombligo (göbek), en las nalgas (kalça), en los pechos (göğüsler) i en la partida superyor de las pachas (bacakların üst kısmı).

• Aflaka el sistema de la imunidad de la persona, i las personas se hazineyan kon una grande desfuersa.

• La asukar dezaze el ekilibro de los minerales en el puerpo.

• En los chikos es la kavza de ser muy aktivos, de ser inattantivos (dikkatsiz), de tener inkyetudes (endişe) i de ser agresivos.

• La asukar danya a los ojos.

• La asukar aze varises ke dan muncha dolor.

• La asukar retarda el engrandeser.

• La asukar es la kavza de las dolores de kavesa.

• La asukar puede ser la kavza de una depresyon.

• La asukar puede ser la kavza de katarakt, hazinura de ojos.

• La asukar puede ser la kavza del miyopizmo, el ke no ve leshos.

• La asukar es el primer tosigo (zehir) de la muerte.

Keridos lektores; mos guadraremos de las kozas ke no mos puedemos guadrar.

Semanada buena i klara kon un optimizmo ke el mundo sea un lugar ke se bivera kon repozo, pas i amor, todos endjuntos.

 

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın